Betreinnsats.no er drifta av Zpirit AS, eit fullservice reklame- og kommunikasjonsbyrå på Stord som har kundar i inn- og utland. Dei digitale verktøya i portalen er utvikla av Zpirit i godt samarbeid med norske kommunar, først og fremst dei tre nabokommunane Stord, Fitjar og Bømlo.

Heilt sidan oppstarten av byrået har Zpirit fokusert på marknadsførings- og kommunikasjonsløysingar som gir effekt og resultat for våre kommersielle kundar. Dette fokuset ligg også i botn for utviklinga av digitale verktøy for kommune-Norge. Målet vårt er at verktøya skal utgjere ein forskjell for barn og unge, gjennom å gjere det lettare for kommunane å legge til rette gode oppvekstvilkår. I ein kvardag der mange av byråets oppdrag handlar om å hjelpe kundane våre til kommersiell suksess, er det ekstra inspirerande å få bidra på dette viktige området.

Dei digitale løysingane skal gi kommunane eit best mogleg utgangspunkt for systematisk og heilskapleg arbeid for barn og unge. Me leverer rammeverk og basisinnhald for dei ulike verktøya, som kvar enkelt kommune tilpassar og gjer til sine eigne. Her er det viktig å presisere at den jobben er vel så viktig som vårt bidrag! For å lukkast krevst det at kvar enkelt kommune set av nok tid og ressursar – og at arbeidet har solid forankring heilt til topps i kommuneleiinga!